کەشناسی: بەفر و باران دەبارێت
K24 – هەولێر
بەگوێرەی پێشبینییەکانی کەشناسی لە چەند ناوچەیەکی هەرێمی کوردستان باران دەبارێت و لە ناوچە شاخاوییەکان بەفر دەبارێت.
بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ ئاسمان هەورى تەوا دەبێت هەندێک کات دەگۆڕێت بۆ نیمچە هەور لەگەڵ ئەگەرى بارینى نمە باران لە رۆژهەڵاتى هەرێم وهەندێک ناوچەى گەرمیان و ناوچە شاخاوییەکانى هەولێر و دهۆک، دروستبوونى تەم و مژ لە رۆژهەڵاتى هەرێم و ناوچە شاخاوییەکان لە کاتەکانى شەودا لەگەڵ بارینى بەفر لە ناوچە شاخاوییە سنوورییەکانى باکوورى رۆژهەڵات.
کەشناسی لەبارەی کەشوهەوای سبەی رایگەیاندووە، سبەی دووشەممە ئاسمان لەنێوان نیمچە هەور و هەورى تەواو دەبێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 15 پلەى سیلیزى
سلێمانی: 14 پلەى سیلیزى
دهۆک : 16 پلەى سیلیزى
کەرکووک: 17 پلەى سیلیزى
هەڵەبجە : 14 پلەى سیلیزى
زاخۆ : 17 پلەى سیلیزى
سۆران: 13 پلەى سیلیزى
گەرمیان: 18 پلەى سیلیزى