له‌باره‌ی ئۆمیكرۆنه‌وه ته‌ندروستی عێراق روونكردنه‌وه ده‌دات
K24 - هەولێر :
تەندروستی عێراق رایدەگەنێت، نیوەی تووشبوانی ئەنفلۆنزا له عێراق، نیشانەکانی ئۆمیکرۆنیان هەیە.
ریاز عه‌بدولئه‌میر به‌ڕێوه‌به‌ری گشتی ته‌ندروستی عێراق رایگەیاند، پزیشكانی تایبه‌تمه‌ند به نه‌خۆشییه گوازراوه‌كان، به‌چڕی چاودێری دۆخی ته‌ندروستی و مه‌ترسییه‌كانی دووباره بڵاوبوونه‌وه‌ی ڤایرۆسی ئۆمیكرۆن ده‌كه‌ن.
ئاماژه‌ی به‌وه‌شداوه، دۆخی ئۆمیكرۆن له‌عێراق زۆرباشه و پێویست به دڵه‌ڕاوكێ و گرتنه‌به‌ری رێکاری توند ناكات، به‌ڵام ئه‌م ڤایرۆسه نوێیه به‌شێوه‌یه‌كی خێرا بڵاوده‌بێته‌وه، به‌جۆرێك نیوه‌ی تووشبووانی ئێستای ئه‌نفلۆنزا هه‌ڵگری نیشانه‌كانی ڤایرۆسی ئۆمیكرۆنن.
جه‌ختیش له‌وه ده‌كاته‌وه، رێکكارەکانی خۆپارێزی و جموجۆڵی هاووڵاتیان و گردبوونه‌وه‌یان ناگرنه‌به‌ر، به‌ڵام ده‌بێت هاووڵاتیان پشكنین بکەن و له‌شوێنه قه‌ره‌باڵغه‌كاندا ماسك ببه‌ستن.