گه‌شته‌ ئاسمانییه‌كانی فڕۆكه‌خانه‌ی به‌غدا راگیران

K24 - هه‌ولێر:

گه‌شته‌ ئاسمانییه‌كانی فڕۆكه‌خانه‌ی نێوده‌وڵه‌تی به‌غدا به‌هۆی بارودۆخی ناڵه‌باری كه‌شوهه‌واوه‌ راگیران.

ئه‌مڕۆ شه‌ممه‌ (7ـی كانوونی دووه‌م/یه‌نایه‌ری 2023)، به‌ڕێوه‌به‌رایه‌تی فڕۆكه‌خانه‌ی نێوده‌وڵه‌تی به‌غدا له‌ راگه‌یه‌ندراوێكدا ئاماژه‌ی به‌وه‌كردووه‌، به‌هۆی بارودۆخی ناڵه‌باری كه‌شوهه‌وا و كه‌مبوونه‌وه‌ی مه‌ودای بینین بۆ كه‌متر له‌ 200 مه‌تر، گه‌شته‌ ئاسمانییه‌كانی فڕۆكه‌خانه‌كه‌ تا كاتێكی نه‌دیار راگیران.

له‌ راگه‌یه‌ندراوه‌كه‌دا ئه‌وه‌ش خراوه‌ته‌ڕوو، له‌ماوه‌ی داهاتوودا به‌ڕێوه‌به‌رایه‌تی فڕۆكه‌خانه‌كه‌ له‌باره‌ی هه‌ر پێشهاتێكی نوێ له‌باره‌ی گه‌شته‌ ئاسمانییه‌كانه‌وه‌ هاووڵاتییان ئاگادار ده‌كاته‌وه‌.