گاریس بهیل وازهێنانی له یاریكردن راگهیاند
بەشێوەیەکی چاوەڕواننەکراو گاریس بەیڵی وێڵزی لە تەمەنی 33 ساڵیدا وازهێنانی یەکجاری لە یاریکردن راگەیاند.
گاریس بەیڵ لە تویتەری فەرمی خۆی بەیاننامەیەکی بڵاو کردەوە و رایگەیاند دوای بیرکردنەوە بڕیاریدا دەستبەجێ واز لە یاریکردنی تۆپی پێ بهێنێت.
گاریس بەیڵ دەڵێت: هەست بە بەخت دەکات، چونکە خەونەکەی لە ئەنجامدانی وەرزش بەدەستهات و بۆ ماوەی حەڤدە ساڵ ئەو یارییەی کرد کە خۆشی دەوێت.
بەیڵ کاروانێکی گەورەی لەگەڵ یانەکان بەڕێ کردووە و یاریی بۆ یانەکانی ساوسامتن و تۆتێنهام و ریال مەدرید و لۆس ئانجێلێس کردووە، بە گشتی لەگەڵ یانەکان بەشداری 554 یاریی کردووە و 186 گۆڵ و 139 ئەسیستی هەیە، یەکێک بوو لەو یاریزانانەی پێنج ناسناوی چامپیۆنزلیگی لەگەڵ مێرەنگی بردەوە، لگەڵ بردنەوەی سێ ناسناوی لالیگا و چوار ناسناوی مۆندیالی یانەکان و سێ جامی سوپەری ئەوروپا و جامێکی شای ئیسپانیا، لەگەڵ بردنەوەی سێ ناسناوی جامی سوپەری ئیسپانیا، لەگەڵ تۆتێنهامیش ناسناوێک و دوو ناسناویشی لەگەڵ لۆس ئانجێلێسی ئەمریکی بردەوە.
لەگەڵ هەڵبژاردەی نیشتمانیش، گاریس بەیڵ 111 یاریی فەرمی بۆ وێڵز کردووە و 40 گۆڵ و 22 ئەسیستی تۆمار کردووە، بەڵام هیچ ناسناوێکی نێودەوڵەتی لەگەڵ هەڵبژاردەکەی نەبردووەتەوە.