داعش لە گەرمیان دوو کەسی رفاند

K24 - گەرمیان:

بەیانی ئەمڕۆ چەکدارانی داعش لە نیزیك گوندی قەڵای ناوچەی داودەی گەرمیان دوو ھاوڵاتی کوردیان رفاند.

سەرچاوەیەک لە ئاسایشی ناحیەی زینانە بە کوردستان24 راگەیاند، محەمەد عەلی و سەباح رەشید دوو شوانی کوردی دانیشتووی ناوچەی داودەن و بەیانی ئەمڕۆ لەکاتی لەوەڕاندنی مەڕەکانیان لەلاین چەکدارانی داعشەوە بۆ شوێنێکی نادیار رفێندراون.

ئەمە چەندین جارە چەکدارانی داعش لە ھەمان ناوچە شوانکان دەڕفێنن و دواتر بەرامبەر بە پارەیەکی زۆر ئازادیان دەکەن یان دەبنە قوربانی و تیرۆر دەکرین.