کەرکووک.. كەسێك بە بێڵ لەلایەن هاوڕێیەکی خۆی کوژرا
K24 - كەركووك
لە گوندی چیمەنی رۆژهەڵاتی كەركووك دووكەس كە هاوڕێی یەكترن دەبێتە شەڕیان و یەكێكیان بەبێڵ ئەوی دیکەی کوشتووە.
كەسێكی نزیك لە بنەماڵەی كوژراوەكە بە كوردستان24ی راگەیاند، هۆكاری شەڕەكە لەسەر مامەڵەی پارە بووە لەنێوانیان، كە هەردووكیان هاوڕێی یەكترن و پێكەوە كار دەكەن، دوای دەمەقاڵە دەبێتە شەڕیان.
روونیکردەوە، ئاوات سەید تاڵیب كە بكوژەكەیە بێڵێك لەملی هاوڕێکەی بەناوی لەتیف دەدات و دەیكوژێت.
گوتیشی: "بكوژ و خانەوادەكەی لە شەوەوە گوندەكەیان جێهێشتووە و بەرەو شوێنێكی نادیار رۆیشتوون، پۆلیس لێكۆڵینەوەی لە رووداوەكە دەستپێكردووەو بە دوای بكوژەكە دەگەڕێن".