سەگێک بە گوللـە پیاوێک دەکوژێت
K24 - هەولێر:
سەگێک لەنێو ئۆتۆمبێلی راوچییەکدا پەلی بەر چەکێک دەکەوێت و بەهۆیەوە گوللـەیەک بەر راوچیەکە دەکەوێت و، راوستەوخۆ لەوێدا گیان لەدەستدەدات.
ئاژانسی هەواڵیی فرانس پرێس، لە زاری پۆلیسی ئەمەریکاوە بڵاویکردەوە، سەگەکە لەبەشی پشتەوەی ئۆتۆمبێلی راوچیەکە بووە، کە هەر لەوێدا کەلوپەلی راو و چەکێک هەبووە، بەهۆی ئەوەی سەگەکە پەلی بەر چەکەکە کەوتووە، گوللـەیەک لە چەکەکەوە دەرچووە و بەر راوچییەکە کەوتووە.
ئاماژە بەوەشدرا، قوربانییەکە پیاوێکی تەمەن 30 ساڵانە و لەکاتی رووداوەکەدا راستەوخۆ گیانی لەدەستداوە.
لێکۆڵینەوەکان لە رووداوەکە بەردەوامن و بەگوتەی پۆلیس، کەیسەکە پەیوەندی بە چەک و کەرەستەی راوکردنەوە هەیە.
لە ویلایەتە یەکگرتووەکانی ئەمەریکا ژمارەیەکی زۆر چەکی سووک و قورس هەیە، بەجۆرێک لەو وڵاتە ژمارەی چەک لە ژمارەی دانیشتوان زیاترە، بەتایبەتی لە ناوچە گوندنشینەکان.