سەدر: ئیسرائیل دەوڵەتێکی شەڕخوازە
K24 - هەولێر
رێبەری رەوتی سەدر رایگەیاند، ئیسرائیل دەوڵەتێکی شەڕخوازە و لەژێر پەردەی کۆمەڵگەی نێودەوڵەتیدا خەڵکی بێتوانا دەکوژێت.
لە پەیامێکدا موقتەدا سەدر رێبەری رەوتی سەدر راشیگەیاند "هەر دەوڵەتێکی دیکە لە جێگەی ئیسرائیل وەک ئەو هەڵسوکەوتی بکردایە بە تیرۆریست و دیکتاتۆر ناویدەهێنرا".
موقتەدا سەدر ئاماژەی بەوەشدا "ئەوەی هەیە دەوڵەتی ئیسرائیل نییە بەڵکو دەوڵەتی سامرییەکانە کە بکوژی پێغەمبەرانن و دوژمنی خودان".
رێبەری رەوتی سەدر باسی لەوەشکردووە، ئیسرائیل بەبێ جیاوازیکردن لەنێوان خەڵکی عەرەب و موسوڵمان ستەملێکراوان دەکوژێت، ئەوەش گەورەترین بەڵگەیە لەسەر ئەوەی ئیسرائیل نە دەوڵەتە و نە حکومەتە".
