خێزانێك له‌ رێگه‌ی كوردستان24ه‌وه‌ دایكه‌ به‌ ساڵاچووه‌كه‌یان ده‌دۆزنه‌وه‌

جارێك ئاواره‌بوون و جارێكیش ونبوون
https://k24mediaservice.streaming.mediaservices.windows.net/016cdb9a-416d-43f5-a904-f8823eb29aa7/WnbuniPirejnek.ism/manifest

K24هه‌ولێر:

ئافرەتێکی بەساڵاچووی بەرەگەز عەرەب ماوەی 6 رۆژە لە لایەن خانەی بە ساڵاچووانەوە داڵدە دراوە و كەسوكارەكەی لێ بزڕ بووە و لە یەكەم رۆژی جەژندا لە لایەن كوردستان 24 وە بە كەسوكاری شاد بووەوە.

دەبووبە بۆنەی جەژنی رەمەزانەوە شوێنێك ھەڵبژێرم تا باس لە چۆنیەتی  بەرێوە بردنی جەژن بكەین لە شوێنانە ، بیرم كردەوە ئەگر سەردانی خانەی بە ساڵاچوان بكەم رەنگە بتوانم ھەستێكی خۆشیان لە لا دروست بكەم و لانیكەم ماوەیەكی كەم  بیر لە بێكەسی خۆیان نەكەنەوە ، بەڵام لە وەی شتێك رووی دا كە قەت بیرم لێ نەكردەبوویەوە.

دوابەدوای كارەكەمان بەرەو بارەگای كوردستان 24 گەراینەوە دوای  كاتژمێرێك ئاگادار كراینەوە كە كەس وكاری پیرەژنە عەرەبەكە لە رێگەی كوردستان 24 وە دایكیان بینیوە دەیانەوی بچن بە شوێنیدا بویە ئێمەش لە گەڵیان گەراینەوە بەرەو خانەی بە ساڵاچووان.

یوسرا قاسم ، كچی پیرە ژنەكە گوتی: "ئیمە پێشتر لە موسڵ بووین من و دایكم پێكەوە بووین، ئێستاش لێرە ئاوارەین،6 رۆژ لە مەوبەردایكم كەمێك بی تاقەت بوو بویە ماڵەكەی جێھیشت و چوە دەرەوە و ئێتر نەگەرایەوە زۆربەی شوێنەكان گەراین نەمانتوانی  بیدۆزینەوە ، دەستخۆشیتان لێ دەكەم كە بە ھۆی ئیوە توانیم بە دایكم شاد ببمەوە. بۆیە زۆر سپاستان دەكەم رێزلەم ھەوڵ و ماندوو بوونەتان دەگرم".

یەكەم كەس كە موژدەی دۆزینەوەی موزەری بە بنەماڵەكەی دا پیاوێكی دراوسێان بوو.

موزەر تەمەنی 65 ساڵە و دوو ساڵ پێش ئێستا ودوای داگیر كردنی موسل لە لایەن داعشەوە  ناچار لە گەڵ بنەماڵەی كچە كەی بەرەو ھەرێمی كوردستان رادەكەن

بە تەنیا لە ماڵ ھاتمە دەرەوە و لە ھیچ رێگایەكیش شارەزا نەبووم، منیان بردە چوار نەخۆشخانە دواتر ئەفسەرێك پرسیاری لی كردم خەڵكی كوێی؟ وتم مووسڵ، پاشان منی ھێنایە ئێرە

ئەم دایكە پیرە 3 كۆر و كچێكی تری لە  موسڵ بە جێ ماوەن بەردەوام چاوەری گەرانەوەیانە.