بوومەلەرزەیەکی بەهێز باکوری کوردستانی هەژاند

K24 - هەولێر:

بەرە بەیانی ئەمڕۆ بوومەلەرزەیەک بە گوڕی 7.8 پلەی رێختەر، باکووری کوردستان و تورکیای هەژاند.

بە گوێرەی زانیارییەکانی پەیامنێری کوردستان24، بەهۆی بوومەلەرزەکەوە تا ئێستا 17 کەس لە رحا گیانیان لەدەستداوە و 67 کەس برینداربوون.

سەبارەت بە زیانە گیانییەکانی پارێزگای دیاربەکر، بەرپرسانی ئەو ناوچەیە، گیانلەدەستدانی شەش کەس و برینداربوونی 79 کەسیان راگەیاند.

بەهۆی بوومەلەرزەکەوە 17 باڵەخانە لە دیاربەکر و 16 باڵەخانە لە رحا رووخاون.

بوومەلەرزەکەی باکووری کوردستان هێندە بەهێز بووە، لە هەردوو پارێزگای هەولێر و دهۆک هەستی پێکراوە.