کۆڵبەرێکی کورد بە تەقەی سوپای پاسداران گیانی لەدەستدا

کۆڵبەرانی کورد
کۆڵبەرانی کورد

K24 - هەولێر:

درەنگانی شەوی رابردوو کۆڵبەرێکی کورد لە سنووری گوندی زەڵێ بەهۆی تەقەی سوپای پاسدارانی ئێرانەوە گیانی لەدەستدا.

بە گوێرەی زانیارییەکانی پەیامنێری کوردستان24، کۆڵبەرە کوردەکە خەڵکی ناوچەی رەبەتی شاری سەردەشتە و تەمەنی 50 ساڵە.

رووداوەکە لە سنووری گوندی زەڵێی سەربە ناحیەی هەڵشۆ لە قەزای پشدەر روویداوە.

ژمارەیەک لە دانیشتوانی شارەکانی رۆژهەڵاتی کوردستان، بۆ دابینکردنی بژێوی ژیانیان، بە رێگا سەخت و شاخاوییەکاندا دێنە سەر سنوورەکانی هەرێمی کوردستان و کاری گواستنەوەی کەلوپەل دەکەن، بەڵام حکومەتی ئێران، کاری ئەو کۆڵبەرانەی بە نایاسایی و قەدەغە ناساندووە.