مەسرور بارزانی: لوتکەی جیهانی حکومەتەکان دەرفەتێکە بۆ باسکردنی بەرەوپێشچوونەکانمان
K24 - هەولێر:
مەسرور بارزانی سەرۆکی حکومەتی هەرێمی کوردستان رایگەیاند، لوتکەی جیهانی حکومەتەکان لە شانشینی یەکگرتووی عەرەبی دەبێتە دەرفەتێک بۆ هاوبەشیپێکردنی ئەزموون بەرەوپێشچوونی کوردستان.
مەسرور بارزانی سەرۆکی حکومەتی هەرێمی کوردستان لە تویتێکدا نووسیویەتی: دڵخۆشم بە گەڕانەوەم بۆ میرنشینی یەکگرتووی عەرەبی بۆ بەشداریکردن لە لوتکەی جیهانیی حکومەتەکان و کۆبوونەوە لەگەڵ سەرکردەکانیان بۆ گێرانەوەی چیرۆکی کوردستان.
سەبارەت بە لوتکەی جیهانی حکومەتەکان مەسرور بارزانی رایگەیاند، "ئەمە دەرفەتێکە بۆ باسکردنی بەرەوپێشچوونەکانمان لە ساڵی رابردوودا و قووڵکردنەوەی هاوبەشییەکان کە تێیدا هێندەی ئەوانە پێشکەش دەکەین کە خوازیارن بازرگانییمان لەگەڵدا بکەن".
مەسرور بارزانی: دڵخۆشم بە گەڕانەوەم بۆ ئیمارات بۆ بەشداریکردن لە لوتکەی جیهانیی حکومەتەکان و کۆبوونەوە لەگەڵ سەرکردەکانیان بۆ گێرانەوەی چیرۆکی کوردستان. pic.twitter.com/t3MXrG2Zvh
— Kurdistan24 (@kurdistan24tv) February 12, 2023
ئەمڕۆ یەکشەممە (12ـی شوبات/فێبرایهری 2023)، مەسرور بارزانی، سەرۆکی حکومەتی هەرێمی کوردستان، بە سەرۆکایەتی شاندێکی حكومى گهیشته ئیمارات بۆ بەشداریکردن لە لوتکەی جیهانیی حکومەتەکان کە لە شاری دوبەی لە رۆژانی 13-15 فێبریوەری (شوبات) بەڕێوەدەچێت.