بلینكن و بێیربۆك پاڵپشتیان بۆ ئۆكرانیا دووپاتكرده‌وه‌

بلینكن و بێیربۆك پاڵپشتیان بۆ ئۆكرانیا دووپاتكرده‌وه‌
بلینكن و بێیربۆك پاڵپشتیان بۆ ئۆكرانیا دووپاتكرده‌وه‌

K24 - هەولێر:

هه‌ردوو وەزیرانی دەرەوەی ئەمه‌ریکا و ئەڵمانیا کۆبوونەوە و بەردەوامی هاوکارییەکانیان بۆ ئۆکرانیا دووپاتکردەوە.

وەزارەتی بەرگری ئەمه‌ریکا بڵاویکردەوە، ئەنتۆنی بلینکن وەزیری دەرەوەی ئەمه‌ریکا لە میونشن لەگەڵ هاوتا ئەڵمانییەکەی ئانالێنا بێیربۆك کۆبووەوە و گفتوگۆیان لەبارەی چەندین پرسی وه‌ك جەنگی رووسیا و ئۆکرانیا و بەئەندامبوونی سوید و فینلاند لە ناتۆ کرد.

ئاماژەی بەوەشدا، هەردوو وڵات دووپاتیانکردەوە، بەردەوام دەبن لە هەماهەنگییەکانیان و هاوکارییە مرۆیی و سەربازییەکانیان بۆ ئۆکرانیا.

وەزارەتی بەرگری ئەمه‌ریکا ئاشکراشیکرد، لەبارەی بەئەندامبوونی سوید و فینلاند لە ناتۆ، هەردوولا جەختیانکردەوە دەبێت بە ئەندامبوونی هەردوو وڵات پەسەندبکرێت.

له‌ 24ـی شوباتی 2022، به‌ فه‌رمانی ڤلادیمێر پوتنی سه‌رۆكی رووسیا هێرشكرایه‌سه‌ر خاكی ئۆكرانیا و به‌هۆیه‌وه‌ هه‌زاران كه‌س له‌ سه‌ربازان و هاووڵاتیان كوژراون و ملیۆنه‌ها ئۆكرانیش ئاواره‌ی وڵاتانی ئه‌وروپی بوون، تا ئێستاش ئه‌و جه‌نگه‌ به‌رده‌وامه‌.