سەرۆکی حکومەت سەرەخۆشی لە بنەماڵەی شەهید هاوکار جاف دەکات
K24 - هەولێر:
ئێوارەی ئەمڕۆ سێشەممە 2/21 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا، پرسە و سەرەخۆشی لە بنەماڵەی شەهید عەقید هاوکار جاف کرد، بۆ کۆچی دوایی خوالێخۆشبوو سیامەند عەبدوڵڵای برای.
سەرۆکی حکومەت هاوخەمی خۆی پێگەیاندن و هیوایخواست خوای مەزن گیانی بە بەهەشت شاد بکات و سەبر و ئارامییش بە بنەماڵەکەیان ببەخشێت.
سەرۆکی حکومەت، هەروەها دووپاتیکردەوە کە کەیسی تیرۆرکردنی شەهید هاوکار جاف، دەبێت رێچکەی یاسایی خۆی وەربگرێت و ئەنجامدەرانی ئەم تاوانە، بە سزای یاسایی خۆیان بگەن.