ژماره‌یه‌ك فه‌له‌ستینی به ته‌قه‌ی سوپای ئیسرائیل كوژران
K24 - هه‌ولێر:
ژماره‌یه‌ك فه‌له‌ستینی به ته‌قه‌ی سوپای ئیسرائیل كوژران و ده‌یانی دیكه‌ش برینداربوون.
سه‌رله‌به‌یانی ئه‌مڕۆ 22ـی شوبات، سوپای ئیسرائیل كرده‌یه‌كی سه‌ربازیی له شاری نابلس له باكووری كه‌رتی رۆژئاوا ده‌ستپێكرد و شه‌ڕ و پێكدادان له‌ناو كۆڵان و شه‌قامه‌كانی ئه‌و شاره له نێوان هێزه‌كانی ئیسرائیل و فه‌له‌ستینییه‌كانی دانیشتووی ئه‌و شاره روویدا.
له به‌یاننامه‌یه‌كیشدا وه‌زاره‌تی ته‌ندروستیی فه‌له‌ستین رایگه‌یاند، له‌و شه‌ڕ و پێكدادانه‌دا وێڕای كوژرانی ژماره‌یه‌ك هاووڵاتیی فه‌له‌ستینی، ده‌یان كه‌سی دیكه‌ش برینداربوون و گرژییه‌كانیش له نێوان هه‌ردوو لادا لێره و له‌وێ به‌رده‌وامن.