زیاتر لە 100 ھەزار گەشتیار سەردانی ھەرێمی كوردستان دەكەن
K24 - ھەولێر
بە گوێرەی ئاماری دەستەی گەشتوگوزار لە رۆژانی جەژندا زیاتر لە 100 ھەزار گەشتیار سەردانی ھەرێمی كوردستانیان كردووە.
نادر روستی، گوتەبێژی دەستەی گشتی گەشتوگوزاری هەرێمی كوردستان رایگەیاند: "لە ماوەی دوو رۆژی جەژندا رەمەزانەوە 108 ھەزار گەشتیار سەردانی ناوچە گەشتیارییەكانی ھەرێمی كوردستانیان كردووە".
ئەوەشی روونكردەوە: "ژمارەی ھاتنی گەشتیاران بۆ ھەرێمی كوردستان بە بەراورد بە ساڵی رابردوو بە رێژەیەكی زۆر زیادیكردووە".
گوتەبێژی دەستەی گەشتوگوزاری ھەرێم راشیگەیاند: "تا ئێستا ھاتنی گەشتیار بۆ ھەرێمی كوردستان بەردەوامە و لە رۆژانی داھاتوودا تەواوی رێژەكە بە وردەكارییەوە بڵاودەكەینەوە.