"ئۆكرانیا ده‌بێته‌ عێراقێكی دیكه‌"

K24  - هه‌ولێر

ئه‌فسه‌رێكی خانه‌نشینكراوی ئه‌مه‌ریكا، ره‌خنه‌ له‌ رۆژئاوا ده‌گرێت‌ و هۆشداریشی دا، له‌وه‌ی ئۆكرانیا ده‌بێته‌ عێراق و ئه‌فغانستانێكی دیكه.

ئيرل کاتا گنوس، ئەفسەرێکی خانەنشینکراوی هێزی دەریایی ئەمەریکا،  لە وتارێکیدا كه‌ له‌ گۆڤاری (American Thinker ) دا بڵاوكراوه‌ته‌وه‌،  ده‌ڵێت: وای ده‌بینم  ئۆکرانیا ببێتە ئەفغانستان یان عێراقێکی دیکە بۆ وڵاتانی رۆژئاوا.

گنۆس لە وتارەکەیدا رەخنەی لە رووسیا گرتووه‌ و نووسیویەتی: رووسیا لە ململانێی له‌گه‌ڵ ئۆکرانیادا دۆڕاوە و ماوەی ساڵێکە بەردەوامە لە شەڕکردن.

له‌ بەشێکی دیکەی وتارەکەیدا ئەو ئه‌فسه‌ره‌ی پێشووی ئه‌مه‌ریكا جه‌ختی له‌وه‌ كرده‌وه‌ "ئامادەنەبوونی رۆژئاوا بۆ داننان بەم راستیانه‌ی رووسیا، تەنها دەبێتە هۆی شکستێكی دیكه‌ی وەک عێراق و ئەفغانستان".

شەڕی رووسیا و ئۆکرانیا چووه‌ته‌ ساڵی دووەمه‌وه‌، تا ئێستا هیچ کام لە لایەنەکان نەیانتوانیوە چارەسەری بکەن، سەرەڕای زه‌ره‌ر و زیانه‌كانی گیانی و ماددی، كاریگه‌ری زۆری کردووەتە سه‌ر ئابووری جیهان.