عەرەبە هاوردەكان هەڕەشەی داگیركردنی گوندێكی سنووری سەرگەڕان دەكەن
K24 - كەركووك:
سەرچاوەیەك لەگوندی شهناغەی سەرگەڕان بە كوردستان24ـی راگەیاند، عەرەبە هاوردەكان هەڕەشەیان لەجوتیارانی كورد لە گوندی شهناغه كردووە و بەنیازن ئەمڕۆ بێنە گوندەكە و زەوی و زاری جوتیارانی كورد داگیر بكەن.
ئهو سهرچاوه گوتیشی: ئەوعەرەبانە خێوەت لەگەڵ خۆیان دەهێنن و نیازیان خراپە و دەیانەوێت لە گوندەكە بمێننەوە و زەوییەكان داگیر بكەن.
ئەوەشی خستهڕوو، لە ئەگەری هاتنیان، جوتیارانی كورد رووبەڕوویان دەبنەوە و رێگە بەو داگیركارییە نادەن.
بەپێی زانیارییەكانی كوردستان24، بۆ رێگریكردن لە هەر ئەگەرێكی چاوەڕوان نەكراو هێزێكی سوپای عێراقیش لە گوندەكە بڵاوەی پێكراوە .