بوومه‌له‌رزه‌یه‌ك شاری مه‌راشی باكووری كوردستانی هه‌ژاند
K24 – هەولێر:
ئه‌مڕۆ له شاری مه‌راشی باكووری كوردستان بوومه‌له‌رزه روویدا و كه مانگی رابردوو به‌هۆی بوومه‌له‌رزه‌وه به‌هه‌زاران كه‌س گیانیان له‌ده‌ستدا.
سه‌رۆكایه‌تی ئیداره‌دانی كاره‌سات و باری له‌ناكاو لە تورکیا (AFAD)، ئه‌مڕۆ (هه‌ینی 3ـی ئادار / مارسی 2023)، له میانه‌ی راگه‌یه‌ندراوێكدا ئاماژه به‌وه ده‌كات، بوومه‌له‌رزه‌یه‌ك شاری مه‌راشی باكووری كوردستان به گوڕی 4 پله‌ی رێخته‌ر هه‌ژاند.
خستووه‌ته‌روو، بوومه‌له‌رزه‌كه به‌ره‌به‌یانی ئه‌مڕۆ روویداوه و تا ئێستا زیانه ماددی و گیانییه‌كان نه‌زانراون.
مانگی رابردوو له باكووری كوردستان و توركیا، هه‌روه‌ها له رۆژئاوای كوردستان و سووریا، بوومه‌له‌رزه‌یه‌كی به‌هێز به گوڕی 7.6 روویدا، ژماره‌ی گیانله‌ده‌ستدان 50 هه‌زاری تێپه‌ڕاند.