زانا مهلا خالید لهبارهی كۆبوونهوهكهی ئهمڕۆی سلێمانی: به گهشبینیهوه دهڕوانینه ئهنجامهكان
K24 – ههولێر:
سهرۆكی فراكسیۆنی پارتی له پهرلهمانی كوردستان، رایدهگهیهنێت، كۆبوونهوهیهكی چوار كاتژمێری راشكاوانه له نێوان لایهنه سیاسییهكان لهسهر زۆر بابهتی گرنگ ئهنجامدرا.
زانا مهلا خالید سهرۆكی فراكسیۆنی پارتی له پهرلهمانی كوردستان، له ههژماری تایبهتی خۆی له تۆڕی كۆمهڵایهتی فهیسبووك نووسیوویهتی: "كۆبونهوهیهكی چوار كاتژمێری راشكاوانه له نێوان لایهنه سیاسییهكان به ئهنجامی باش و به رێككهوتن لهسهر زۆر بابهتی گرنگ كۆتاییهات".
ههروهها نووسیوویهتی: "ئهم ههنگاوه دهبێته مایهی دروستكردنهوهی متمانهی سیاسی نێوان لایهنه سیاسییهكان و فهراههمكردنی كهشێكی ئارامی سیاسی له ههرێمی كوردستان و زهمینهسازی بۆ ئهنجامدانی ههڵبژاردن و بهردهوامیدان به پرۆسهی دیموكراسی".
دواجار دهڵێت: "له رۆژانی ئاینده چهند ههنگاوێكی دیكهی گرنگ دهنرێت و به گهشبینیهوه دهڕوانینه ئهنجامهكان".
کۆبوونەوەی لایەنە سیاسییەکان تایبەت بە پرۆسەی هەڵبژاردن کۆتایی پێهات و لە سەر پێنج خاڵ رێککەوتن.
دەزگای هەڵبژاردنەکانی هەر یەک لە پارتی، یەکێتی، بزوتنەوەی گۆڕان، یەکگرتوو، کۆمەڵی دادگەری، حزبی رهنجدهرانی كوردستان و حزبی شیوعی كوردستان لە مەکتەبی سیاسی یەکێتی لە سلێمانی تایبەت بە پرۆسەی هەڵبژاردنی شەشەمین خولی پەرلەمانی کوردستان کۆبوونەوە.
بەپێی راگەیەندراوی کۆتایی کۆبوونەوە، لایەنەکان لە سەر هەمواری یاسای هەڵبژاردنی پەرلەمان و ئامادەکارییەکانی پرۆسەی هەڵبژاردن رێککەوتوون، کە سیستەمی هەڵبژاردن بە چوار بازبەیی بێت بەپێی پارێزگاکانی هەرێمی کوردستان.
هەروەها تۆماری بایۆمەتری کۆمیسیۆنی سەربەخۆی هەڵبژاردنەکانی عێراق بکرێتە بنەمای هەڵبژاردن و داتای وەزارەتی پلاندانانی عێراق دەکرێتە بنەمای دیاریکردنی ژمارەی کورسییەکانی هەڵبژاردن.
لە خاڵی پێنجەمی رێککەوتنەکەشدا هاتووە، سەرۆکایەتی پەرلەمان و فراکسیۆنەکان لەگەڵ نوێنەرانی پێکهاتەکان لە ناوەوە و دەرەوەی پەرلەمان کۆدەبنەوە و بڕیاریشە رۆژی دووشەممە کۆبوونەوەکە بکرێت.