تەرمی گەنجە ونبووەکەی کەرکووک دۆزرایەوە
K24 - هەولێر:
تەرمی ئەو گەنجە دۆزرایەوە کە هەفتەیەک پێش ئێستا، خانەوادەکەی لەڕێگەی کوردستان24ـەوە داوای دۆزینەوەیان کردبوو کە ماوەی هەفتەیەکە رۆشتبووە دەرەوە و نەگەڕابووەوە.
سەرچارەیەک لە پۆلیسی کەرکووک بە کوردستان24ـی راگەیاند، شەوی رابردوو تەرمی ئەو گەنجەیان لەنێو بیرێکدا لە گەڕەکی رەحیمئاوا دۆزیوەتەوە.
ئەو سەرچاوەیە گوتیشی، ئەو کەسە لەلایەن دوو برادەری خۆیەوە کوژراوە.
ئاماژەی بەوەشدرا، کە لەسەر کەیسەکە دوو برادەرەکەی دەستگیرکراون و دانیان بە تاوانەکەیاندا ناوە.