هەلیکۆپتەرێکی تاکەکەسی پێویستی بە مۆڵەتی فڕۆکەوانی نییە

هەلیکۆپتەری هێکسا - وێنە: AFP
هەلیکۆپتەری هێکسا - وێنە: AFP

K24 - هەولێر:

کۆمپانیای LIFT AIRCRAFTـی ئەمەریکی هەلی کۆپتەرێکی تاکەکەسی بەرهەمهێناوە کە بارستاییەکەی کەمتر لە 200 کیلۆگرامە.

هەلیکۆپتەرەکە ناوی هێکسایە و لەسەر ئاو و وشکانی توانای نیشتنەوەی هەیە، هەروەها  18 ماتۆڕی ئەلکترۆنی هەیە کە بەپێی پێویست پەروانەکانی دەسوڕێننەوە.

بە گوێرەی ئەو زانیاریانەی وێبسایتی کۆمپانیاکە بڵاویکردووەتەوە، هەلیکۆپتەرەکە شاشەیەکی کۆمپیتەری و گێڕێکی هەیە کە لەڕێگەیەوە کۆنترۆڵی جوڵەی کۆپتەرەکە دەکرێت، هەروەها خاوەنەکەی دەتوانێت لەرێگەی شاشەی هەلیکۆپتەرەکەوە دۆخی (بەکارنەهێنانی دەست) هەڵبژێرێت و هەلیکۆپتەرەکە خۆی خاوەنەکەی دەگەیەنێتە شوێنی مەبەست.

تەواوی رووکاری دەرەوەی کۆپتەرەکە لە کاربۆن فایبەر دروستکراوە و بارستاییەکەی نزیکەی 195 کیلۆگرامە و پێویستی بە مۆڵەتی فڕۆکەوانی نییە و بە هەمان تەکنەلۆجیای دروستکردنی درۆن بەرهەمهێندراوە  و نرخەکەی نزیکەی نیو ملیۆن دۆلارە.

هەرچەندە پێویستی بە مۆڵەتی فڕۆکەوانی نییە، بەڵام ئەو کەسەی دەبێتە بەکارهێنەری هەلیکۆپتەرەکە، پێشتتر خولێکی راهێنان وەردەگرێت.