عێراق له‌ناوبردنی حه‌شارگه‌یه‌كی داعشی راگه‌یاند
K24 - هەولێر:
وه‌زاره‌تی به‌رگری عێراق له‌ناوبردنی حه‌شارگه‌یه‌كی داعشی له هێرشێكی ئاسمانیدا له سنووری پارێزگای سه‌ڵاحه‌دین راگه‌یاند.
له تویتێكدا له هه‌ژاری تایبه‌تی خۆی، وه‌زاره‌تی به‌رگری عێراق رایگه‌یاند، له رێگه‌ی ئێف -16ـه‌كانه‌وه هێرشێكی ئاسمانییان بۆ سه‌ر بنكه و پێگه‌كانی چه‌كدارانی داعش له سنووری پارێزگای سه‌ڵاحه‌دین ئه‌نجامدا.
ئاماژه‌ی به‌وه‌ش داوه، هێرشه‌كه له رۆژهه‌ڵاتی ناوچه‌ی ئامرلیی سه‌ر به‌و پارێزگایه ئه‌نجامداوه و حه‌شارگه‌یه‌كی چه‌كدارانی داعشیان به‌ته‌واوی خاپوور كردووه، به‌بێ ئه‌وه‌ی ئاماژه به زیانه‌كانی هێرشه‌كه بكات.