راوێژكارێكی سوودانی: رێككه‌وتنی نێوان هه‌ولێر و به‌غدا وایكرد بودجه‌ی گشتی عێراق ئاماده‌بكرێت
K24 - هەولێر:
راوێژكارێكی سه‌رۆك وه‌زیرانی عێراق ئاشكرایده‌كات، رێككه‌وتنی نێوان به‌غدا و هه‌ولێر و پێداگیرییه‌كانی هه‌ردوولا، رێگه‌یان به‌وه داوه كه داهاته‌كانی هه‌رێمی كوردستان له‌رێگه‌ی هه‌ژمارێكه‌وه بخرێته‌ڕوو و بودجەی گشتی عێراق ئامادەبکرێت.
هیشام ره‌كابی راوێژكاری میدیایی محه‌ممه‌د شیاع سوودانی سه‌رۆك وه‌زیرانی عێراق، له تویته‌ر نووسیوویه‌تی: "ئه‌و رێككه‌وتننه گه‌وره‌ی نێوان هه‌ولێر و به‌غدا، وایكرد بودجه‌ی گشتی عێراق ئاماده‌بكرێت".
ره‌كابی هه‌روه‌ها نووسیوویه‌تی: "داهاته‌كانی هه‌رێمی كوردستان له‌ژێر هه‌ژمارێكه‌وه دەرخرێتەڕوو".
رۆژی 13/3/2023، ئەنجومەنی وەزیرانی ئه‌نجومه‌نی وه‌زیرانی عێراق ره‌شنووسی پڕۆژه‌یاسای بودجه‌ی گشتی په‌سه‌ندكرد، زیاتر لە 198 ترلیۆن دینارە و ئاماژە بەوەشکراوە، وەک بەشێک لە رێککەوتنی نێوان هەولێر و بەغدا، حکومەتی هەرێمی کوردستان رۆژانە دەبێت 400 هەزار بەرمیل نەوت بفرۆشێت.
پێشتریش گوتەبێژی حکومەتی هەرێمی کوردستان رایگەیاندبوو، بەرەوپێشچوون و لێکتێگەیشتنی باش لەنێوان هەولێر و بەغدا هەیە و رایگەیاند، لە میانەی سەردانەکەیدا بۆ هەولێر، مەسرور بارزانی و محەممەد شیاع سوودانی لە کەشێکی ئەرێنی رێککەوتوون لەسەر بەردەوامی کاری بەیەکەوەیی و چارەسەرکردنی کێشەکان لەسەر بنەمای دەستوور و کارنامەی پەسەندکراوی کابینەکەی سوودانی.