سەرۆکی چین گەیشتە مۆسکۆ
K24 - هەولێر:
لەیەکەم سەردانی فەرمیدا پاش هەڵبژاردنەوەی وەک سەرۆکی چین، شی جیپینگ سەرۆکی چین گەیشتە مۆسکۆ.
شی جیپینگ، سەرۆکی چین لەلایەن ڤلادیمیر پوتن، هاوتا رووسیەکەیەوە پێشوازی لێکرا و کۆبوونەوەیەکی دووقۆڵیان ئەنجامدا.
سەردانەکەی سەرۆکی چین بۆ رووسیا دوو رۆژ دەخایەنێت و چاوەرواندەکرێت شی و پوتن پەیوەندییە سیاسی و ئابووری و سەربازییەکانی مۆسکۆ و پەکین تاوتوێ بکەن.
هاوکات، بڕیارە لەسەردانەکەیدا بۆ رووسیا سەرۆکی چین دەستپێشخەرییەک بۆ کۆتایهێنان بە قەیرانی ئۆکرانیا رابگەیەنێت.