سووریا ئاگربەست درێژدەكاتەوە
K24 - ھەولێر
رژێمی سووریا درێژكردنەوەی ئاگربەستی بۆ ماوەی 72 كاتژمێری دیکە راگەیاند.
سوپای ئەسەد لە راگەیەنراوێکدا، درێژکردنەوەی ئاگربەستی بۆ ماوەی 72 کاتژمێری دیکە راگەیاند و هێزەکانی ئۆپۆزسیۆنیش، هێرشییان کردە سەر هێزەکانی ئەسەد لە ناوچەی مێژوویی ناوەڕاستی حەلەب، لە وەڵامی دەست بەسەرداگرتنی رێگای کاستیلۆ، کە ئۆپۆزسیۆن لێیەوە کۆمەک و هاوکارییەکانییان پێدەگات.
بە گوێرەی راگەیاندراوەكەی سوپای سووریا ئاگربەستەکە لە کاتژمێر 12ی شەوی رابردووەوە کاری پێدەکرێت.
لەماوەی ئەمساڵدا چەندین جار ئاگربەست لەسووریادا لەلایەن سوپای ئەسەد و ئەمریكا و رووسیا راگەیەنراوە، بەڵام سەرجەمییان بەهۆی پێشێلكردنیانەوە لەلایەن حكوومەتی سووریا و ئۆپۆزسیۆنەوە بێ ئەنجام بوون.