رووسیا: ئەوەندەمان چەک هەیە بتوانین نەیارەکانمان لەناوبەرین
K24 - هەولێر:
سکرتێری ئەنجومەنی ئاسایسی رووسیا ئاشکرایکرد، ئەوەندە چەکیان هەیە، بتوانن ئەمەریکا و نەیارەکانیان لەناوبەرن.
نیکۆڵای پاتروشیڤ، سکرتێری ئەنجومەنی ئاسایسی رووسیا رایگەیاند، وڵاتەکەی ئەوەندە چەکی پێشکەوتوو و بەهێزی هەیە، بتوانێت هەموو دووژمنەکانیان بە ئەمریکاشەوە لەناوبەرن، ئەگەر ببنە هەڕەشە بۆ سەر وڵاتەکەیان.
ئاماژەی بەوەشدا، بەرپرسانی ئەمەریکا پێیانوایە، دەتوانن رووبەڕووی رووسیا ببنەوە و لەو بڕوایەدان رووسیا ناتوانێت بەرپەرچی هێرشی ئەتۆمی بداتەوە.
پاتروشیڤ دووپاتیشیکردەوە، رووسیا پشوودرێژە و هەڕەشە لە هیچ کەسێکیش ناکات، بەڵام هەر وڵاتێک هەڕەشەیان لێبکات رووبەڕووی دەبنەوە.