کەشناسی: پلەی گەرما بەرزدەبێتەوە
K24 – هەولێر
بەشی کەشناسی و بوومەلەرزەزانی هەرێمی کوردستان، پێشبینییەکانی بۆ 48 کاتژمێر راگەیاند، بەگوێرەی پێشبینییەکان پلەی گەرما روو لە بەرزبوونەوە دەکات، کە لە چەند رۆژی رابردوودا بەهۆی شەپۆلی بەفر و باران دابەزینی بەرچاوی بەخۆیەوە بینی.
کەشناسی رایگەیاندووە، ئەمڕۆ یەکشەممە 2ی ئاداری 2023، ئاسمان نیمچە هەور دەبێت بە گشتى .پلەی گەرما بە نزیکەى (1-3) پلەى سیلیزى بەرزدەبێتەوە.
سەبارەت بە کەشوهەوای سبەی کەشناسی پێشبینی کردووە، رۆژی دووشەممە ئاسمان نیمچە هەور دەبێت هەندێک ناوچەى شاخاوى ئاستى هەورى زیاتر دەبێت . پلەی گەرما بەرزتر دەبێت بە بەراورد بە تۆمارەکانی ئەمرۆ.
بەرزترین پلەکانی گەرمای پێشبینیکراو بە پلەی سیلیزی:
هەولێر: 18 پلەى سیلیزى
سلێمانی: 17 پلەى سیلیزى
دهۆک: 17 پلەى سیلیزى
کەرکوک: 20 پلەى سیلیزى
هەڵەبجە: 18 پلەى سیلیزى
زاخۆ: 16 پلەى سیلیزى
سۆران: 14 پلەى سیلیزى
گەرمیان: 23 پلەى سیلیزى