وەزارەتی دارایی راگەیاندراوێك بڵاودەكاتەوە
K24 - ھەولێر
وەزارەتی دارایی و ئابووری حكوومەتی ھەرێمی كوردستان ھاووڵاتیان ئاگادار دەكاتەوە پارەی پەنجا ھەزار دیناری عێراقی لە ھەرێمی كوردستان و عێراق كاری پێدەكرێت.
لە راگەیاندراوێكدا وەزارەتی دارایی و ئابووری رایگەیاند: "سەرجەم ھاووڵاتیان ئاگادار دەكەینەوە كە كار بە پارەی جۆری (50000) پەنجا ھەزار دیناری عێراقی لە ھەرێمی كوردستان و عێراق دەكرێت".
ئەم راگەیاندراوەی وەزارەتی دارایی لە كاتێكدایە كە ماوەیەك لەمەوبەر بڵاوكرایەوە كە 50 ھەزار دیناری عێراقی لە بازاڕەكانی ھەرێمی كوردستان لە لایەن فرۆشیاران وەرناگیرێت.