هاوپەیمانی نێودەوڵەتی: پابەندین بە هاوپەیمانیمان لەگەڵ هێزی پێشمەرگە
K24 - هەولێر:
هاوپەیمانی نێودەوڵەتی دژی داعش رایده‌گه‌یه‌نێت، هەرێمی کوردستان و وەزارەتی پێشمەرگە بە دەستبەکاربوونی فیرقەی یەک و دوو، هەنگاوێکی گرنگیاننا و پابەندین بە هاوپەیمانیمان لەگەڵ هێزی پێشمەرگە.
دوای راگەیاندنی دوو فیرقەی نوێی وەزارتی پێشمەرگە، هاوپەیمانی نێودەوڵەتی دژی داعش له‌میانه‌ی تویتێكدا ئاماژه به‌وه ده‌كات، پێشوازی لەم هەنگاوە گرنگەی حکومەتی هەرێمی کوردستان و وەزارەتی پێشمەرگەی هاوپەیمانمان دەکەین، بەئاراستەی چاکسازی لە وەزارەتی پێشمەرگە.
هاوپەیمانی نێودەوڵەتی ئه‌وه‌شی خسته‌ڕوو، ئەم هەنگاوە، نیشاندانی پابەندبوون و هەوڵەکانی حکومەتی هەرێمی کوردستان و وەزارەتی پێشمەرگە و بنیادنانی دامەزراوە ئەمنییەکان و پاراستنی هەرێمی کوردستان.
هاوپەیمانی نێودەوڵەتی جەختدەکاتەوە، پابەندن بە پێدانی راوێژ و راهێنان و هاوکارییەکانیان لەسەر پرۆسەی چاکسازی لە وەزارەتی پێشمەرگە.
ئەمڕۆ (سێشەممە 4ـی نیسان / ئێپرێلی 2023)، بە ئامادەبوونی نێچیرڤان بارزانی، سەرۆكی هەرێمی كوردستان و ژه‌نه‌راڵ ماتيوو ماركفارلن فه‌رمانده‌ى گشتيى هێزه‌كانى هاوپه‌يمانان له عێراق و سووريا، ژمارەیەك لە وەزیران و بەرپرسانی باڵاى سەربازی و پەرلەمانتار و بەرپرسانی حكوومەتی هەرێمی كوردستان و نوێنەر و كونسوڵی وڵاتان لە هەرێمی كوردستان، ڕێوڕەسمی دەستبەكاربوونی هەردوو فیرقەی (1) و (2)ی هێزی پێشمەرگەی کوردستان راگەیەنرا كه له چوارچێوه‌ى پرۆسه‌ى چاكسازيى وه‌زاره‌تى پێشمه‌رگه‌دا، يه‌كخراونه‌ته‌وه.
We welcome this vital step by our @KRG_MOPE partners toward the #Peshmerga reform. The event demonstrates their commitment & efforts to building strong security institutions while keeping their homeland safe & secure. We’re committed to #AdviseAssistEnable them in this endeavor. https://t.co/FIqqF9epbS
— Operation Inherent Resolve (@CJTFOIR) April 4, 2023