ئه‌م كرداره جێبه‌جێ بكه ماڵپه‌ڕه‌كان به‌بێ ئينته‌رنێت بكه‌وه
K24- هه‌ولێر
به‌رنامه‌ى گوگڵ كڕۆم له‌كاتى بوونى ئينته‌رنێت له‌نێو كۆمپيوته‌ره‌كه‌تدا هه‌ڵده‌ستێت به‌ئه‌مباركردنى هه‌موو ئه‌و ماڵپه‌ڕانه‌ى كه سه‌ردانيان ده‌كه‌يت.
به‌جۆرێك ماڵپه‌ڕه‌كان له‌نێو ئه‌و به‌رنامه‌يه‌دا ده‌مێنێته‌وه ته‌نانه‌ت له‌كاتى نه‌بوونى ئينته‌رنێتيشدا ده‌توانيت ئه‌و ماڵپه‌ڕانه بكه‌يته‌وه كه پێشتر سه‌ردانت كردوون و ئه‌مباركراون.
به‌ڵام ته‌نها پێويستى به چالاككردنى ئه‌م ئه‌مباره هه‌يه بۆ پيشاندانى ماڵپه‌ڕه‌كان.
چۆنيييه‌تى چالاككردنى:-
- ئه‌م لينكه‌ى خواره‌وه كۆپى بكه و به‌رنامه‌ى گوگڵ كرۆم بكه‌ره‌وه له شوێنى نووسينى ناونيشانى سايت په‌يستى بكه.
لينك: chrome://flags/#show-saved-copy
پاشان په‌رێكى نوێت بۆ ده‌بێته‌وه هه‌روه‌كو له‌و وێنه‌ى خواره‌وه دياره كليك له‌سه‌ر Inhabilitar بكه راسته‌وخۆ ده‌تباته نيو ئه‌و ماڵپه‌ڕانه‌ى كه پێشتر سه‌ردانت كردوون.
بۆ زانيارى زياتر سه‌يرى ئه‌م گرته ڤيدۆيه‌ى خواره‌وه بكه:-