سەرۆکی حکومەتی هەرێمی کوردستان پرسەنامەیەک بۆ کۆچی دوایی مامۆستا مەلا تەیب بەحرکەیی ئاراستەدەکات
K24 – هەولێر:
سەرۆکی حکومەتی هەرێمی کوردستان پرسەنامەیەک بۆ کۆچی دوایی زانا و کەسایەتیی ئایینی و کۆمەڵایەتیی ناوداری کوردستان مامۆستا مەلا تەیب مەلا عەبدوڵلا بەحرکەیی، ئاراستەدەکات.
ئەمڕۆ پێنجشەممە (6ـی نیسان/ئێپڕڵی 2023)، مەسرور بارزانی، سەرۆکی حکومەتی هەرێمی کوردستان لە پرسەنامەیەکدا بۆ کۆچی دوایی مامۆستا مەلا تەیب مەلا عەبدوڵلا بەحرکەیی ، هاوخەمی خۆی بۆ بنەماڵە و کەسوکارەکەی و مامۆستایانی ئایینی کوردستان دەربڕی.
دەقی پرسەنامەکە سەرۆکی حکومەتی هەرێمی کوردستان
بۆ کۆچی دوایی زانا و کەسایەتیی ئایینی و کۆمەڵایەتیی ناوداری کوردستان مامۆستا مەلا تەیب مەلا عەبدوڵڵا بەحرکەیی، پرسە و سەرەخۆشی ئاراستەی بنەماڵە و کەسوکاری بەڕێزی مامۆستای خوالێخۆشبوو و مامۆستایانی ئایینی کوردستان دەکەم و هاوخەمیانم. خوای مەزن گیانی بە بەهەشت شاد بكات و ئارامی و دڵنەواییش بە هەمووان ببەخشێت.
مەسرور بارزانی
سەرۆکی حکومەتی هەرێمی کوردستان