پەیامی سەرەخۆشیی سەرۆك بارزانی بۆ كۆچی دوایی عیماد بابان
K24 – هەولێر:
به‌هۆی كۆچی دوایی كه‌سایه‌تی دیاری كورد، عیماد جه‌لال بابان، سه‌رۆك بارزانی پرسه‌نامه‌یه‌كی بڵاوكرده‌وه، تێیدا هاتووه: لە خودای گەورە داواكارم رۆحی خوالێخۆشبوو عیماد بابان بە بەهەشتی بەرین شاد بكات و سەبر و ئارامی بە هەموو لایەك ببەخشێت.
ده‌قی پرسه‌نامه‌كه‌ی سه‌رۆك بارزانی:
بەناوی خودای بەخشندە و میهرەبان
بەداخێكی زۆرەوە هەواڵی كۆچی دوایی كەسایەتیی دیاری کورد (عیماد جەلال بابان)ـی برازای مەحموود بەگی بابانم پێ گەییشت.
پرسە و سەرەخۆشیی خۆم ئاراستەی بنەماڵەی بەڕێزی خواڵێخۆشبوو عیماد بابان و كەسوكار و دۆستان و ئاشنایانیان دەكەم و خۆم بە هاوبەشی خەمیان دەزانم.
لە خودای گەورە داواكارم رۆحی خوالێخۆشبوو عیماد بابان بە بەهەشتی بەرین شاد بكات و سەبر و ئارامی بە هەموو لایەك ببەخشێت.
انا للە و انا الیه راجعون
مسعود بارزانی
12ی نیسانی 2023