شا چارلزی سێیەم؛ لەنێوان تاجی شاهانە و کێشەی خێزانیدا

K24 - هەولێر:

شانشینی یەکگرتوو ئامادەکاری دەکات بۆ دانانی تاجی شا چارلزی سێیەم لە 6ی ئایار لە لەندەن، لە مەراسیمێکی ئایینیدا کە لەلایەن دەسەڵاتی پاشایەتی بەریتانیاوە رێکدەخرێت و شازادە هاری کوڕە شەڕانگێزەکەی خێزانەکە تێیدا بەشدار دەبێت.

لەگەڵ نزیکبوونەوەی یەکەم ڕووداوی لەم جۆرە لە ماوەی حەفتا ساڵی رابردوودا، یەکەم مەشقەکان بۆ ڕێپێوانەکان لەسەر ئەسپ بەڕێوەدەچن، دەستەکانی پۆرسەلینی یادگاری - بە ڕەنگی شین "پیاوانە" - لە دوکانەکاندا بڵاودەکرێنەوە و خواردنێکی فەرمی بریتییە لە سپێناخ، فاسۆلیا و تارتی تاراگۆن.

تەنیا جۆش و خرۆشی جەماوەرێکی لێ کەمە، کە سەرقاڵی هاڵاوسانێکن کە زیاترە لە پاشای نوێی تەمەن 74 ساڵ، کە دەیەوێت ئەو دامەزراوە سەدانەیە لەگەڵ داواکارییەکانی سەردەمی خۆیدا لە ئیکۆلۆژییەوە بۆ فرەچەشنی بگونجێنێت، بەڵام خەبات دەکات بۆ بەرجەستەکردنی نوێبوونەوە و هێشتا کەمتر جەماوەرییە لە میراتگرەکەی ویلیام.

دوای هەشت مانگ لە هاتنە سەر تەختی پاشایەتی دوای مردنی دایکی ئەلیزابێسی دووەم لە تەمەنی 96 ساڵیدا، کاتی ئەوە هاتووە بە ئاشکرا چارلزز وەک سەرۆکی دەوڵەتی بەریتانیا و 14 شانشینی دیکە لە کەنەداوە بۆ ئوسترالیا دیاریبکرێت.

چارلززی سێیەم دەبێتە 40 هەمین پاشای بەریتانیا کە لە دوای ویلیام فەتحکەر لە ساڵی 1066 تاجی سەری لە وێستمینستەر دادەنرێت.

شاژن کامیلای تەمەن 75 ساڵ کە لە سێبەری شازادە دیانادا خاتوون بووە، تاجی سەری دادەنرێت.

چارلی سێیەم دەویست ئاهەنگێکی مودێرن ساز بکات، کە ماوەکەی یەک کاتژمێر بێت و بۆ 2000 میوان بێت (سێ کاتژمێر و هەشت هەزار کەس بۆ ئەلیزابێسی دووەم). بەڵام ڕووداوەکە ڕەگ و ڕیشەی لە سەدەکانی نەریتدا داکوتاوە.

سەرۆکی کەنیسەی ئینگلتەرا چارلزز سوێند دەخوات و سوود لە نیعمەتی قەشە سەرەکییەکەی کانتربێری وەردەگرێت. هەروەها پۆشاکی شاهانە و ئۆرب (گۆڵێکی زێڕین کە خاچ لەسەری دانراوە) و چەقۆ و تاجی سانت ئێدوارد وەردەگرێت کە لەسەر سەری دادەنرێت.

دوای ئەوە ژن و مێردە شاهانەکە بە یاوەری چوار هەزار سەرباز بە عارەبانەیەکی سەدەی هەژدە دەگەڕێنەوە بۆ کۆشکی باکینگهام، لەوێ بنەماڵەی شاهانە لە باڵکۆنە بەناوبانگەکەیەوە پێشوازی لە جەماوەرەکە دەکەن.

ئەم چالاکییە کۆتایی هەفتەیەکی ئاهەنگگێڕان بە ئاهەنگەکانی گەڕەکەکان و کۆنسێرتێک لە قەڵای ویندسۆر لە ڕۆژی یەکشەممە و پشوویەکی گشتیی ڕۆژی دووشەممە دەستپێدەکات کە لەم ماوەیەدا بەریتانییەکان بانگهێشت دەکرێن بۆ کاری خۆبەخشی.

بەڵام کەشوهەواکە دوورە لەو ئاهەنگانەی کە بەریتانیا ئامادەی بوون لە کاتی دانانی تاجی شاژنە ئەلیزابێسی دووەمی گەنج لە ساڵی 1953، کە نوێبوونەوەیەکی پێکهێنا لە شانشینییەکدا کە بەدەست کاریگەرییەکانی جەنگی جیهانی دووەمەوە دەناڵاند، تەنانەت مەراسیمی ماڵئاواییەکەشی زۆر گەورە نەبوو، دوای حەفتا ساڵ لە حوکمڕانی لە مانگی حوزەیرانی ساڵی ڕابردوودا.

وە بەپێی ئەو ڕاپرسیانەی کە لەلایەن پەیمانگای "YouGov" ئەنجامدراون، نزیکەی دوو لەسەر سێی بەریتانیاییەکان (64%) لەگەڵ بەڕێوەچوونی ئەو ئاهەنگە نین و زۆرینەی ئەوان (51%) پێیانوایە نابێت دەوڵەت خەرجییەکانی ئەو ئاهەنگە خەرج بکات.

ئەستێرەکانی بەریتانیا لە ئیلتۆن جۆنەوە تا ئەدێل و ئێد شیران ئامادە نەبوون بەشداری کۆنسێرتەکە بکەن، بۆیە ئاهەنگەکە لەلایەن لیۆنێل ڕیچی و کەیتی پێری ئەمریکییەکان و ئەندریا بۆسێلی گۆرانیبێژی ئۆپێرا ئیتاڵییەوە بەڕێوەدەبرێت.

لە دوای ئەوەی چارلز بووە پاشای بەریتانیا، زۆر چالاک دەرکەوتووە، خۆی بەدوورگرتووە لە رێنوێنییەکانی دایکی و زیاتر گرنگی بە کاروبارەکانی ژینگە و شەڕی ئۆکرانیا دەدات.

بەڵام لە گەشتەکانیدا زۆرجار تووشی خۆپیشاندەرانی دژە پاشایەتی دەبووەوە، شتێک کە لە سەردەمی ئەلیزابێسی دووەمدا رووینەدەدا و چەندین جار بووەتە ئامانجی خۆپیشاندەران.

بزووتنەوەی "کۆمار" داوای لە ئینگلیزەکان کرد بە بۆنەی تاج دانانی تیشێرتێک کە لەسەری نووسراوە "هی من نییە" لەبەر بکەن.

زۆربەی میدیاکان لە چەند هەفتەی ڕابردوودا تیشکیان خستووەتە سەر شازادە هاری و مێگانی هاوسەری کە لە دوای ئەوەی لە ساڵی 202 بەرەو کالیفۆرنیا ڕۆشتوون و لە بنەماڵەی شاهانە جیابوونەتەوە.

وە لە ناوەڕاستی مانگی نیساندا، کۆشکەکە ڕێڕەوی وروژاندنی بەرزکردەوە بە ڕاگەیاندنی کە کوڕە بچووکەکەی پاشا، سەرەڕای لێدوانە زۆر خراپەکانی دژی دەسەڵاتی پاشایەتی، بەشداری دەکات، بەڵام نەک هاوسەرەکەی، ئەکتەری ئەمریکی، یان دوو منداڵەکەیان ئارچی ( کە لە ڕۆژی دانانی تاجدا چوارەمین ساڵیادی لەدایکبوونی خۆی دەگێڕێت) و لیلیبێت کە تەمەنی نزیکەی دوو ساڵە.

ئایا دوکی ساسێکس لەگەڵ باوکی یان ویلیامی برا گەورەکەی کە بە گەرم و گوڕ و توندوتیژی وەسفی کردووە، ئاشنا دەبێت؟

میدیاکانی بەریتانیا چاوەڕوانی بەشدارییەکی گرنگی شازادە هاری لە ئاهەنگەکەدا دەکەن.

دوایین گەشتی بۆ لەندەن لە کۆتاییەکانی مانگی ئازاردا بۆ دادگاییکردنێک بوو لە دژی رۆژنامەیەکی بەناوبانگ، کە دەنگدانەوەی لێکەوتەوە لە چاو یەکەم گەشتی دەرەوەی باوکی لە هەمان هەفتەدا بۆ ئەڵمانیا.