ههفتهی داهاتوو 400 ملیار دینارهكه دهگاته ههرێمی كوردستان
K24 - هەولێر:
رێككارهكانی ناردنی 400 ملیار دینار لهلایهن بهغداوه بۆ ههرێمی كوردستان تهواو بووه و سهرۆكی نوێنهرایهتی حكومهتی ههرێم له بهغدا رایدهگهیهنێت، ههفتهی داهاتوو پارهكه رهوانهی ههرێم دهكرێت.
فارس عیسا سهرۆكی نوێنهرایهتی حكومهتی ههرێمی كوردستان له بهغدا، به كوردستان24ـی راگهیاند، بهههماههنگی لهگهڵ وهزیری دارایی حكومهتی ههرێمی كوردستان، رێككارهكانی تایبهت به ناردنی 400 ملیار دینارهكه لهگهڵ بانكی رهشید و بانكی رافیدهین تهواوكرا و ههفتهی داهاتوو پارهكه دهگات.
رۆژی 13/3/2023، ئەنجوومەنی وەزیرانی عێراق رهشنووسی پڕۆژهیاسای بودجهی گشتی پهسهندكرد، زیاتر لە 198 ترلیۆن دینارە و ئاماژە بەوەشکراوە، وەک بەشێک لە رێککەوتنی نێوان هەولێر و بەغدا، حکومەتی هەرێمی کوردستان رۆژانە دەبێت 400 هەزار بەرمیل نەوت بفرۆشێت.
پێشتریش گوتەبێژی حکومەتی هەرێمی کوردستان رایگەیاندبوو، بەرەوپێشچوون و لێکتێگەیشتنی باش لەنێوان هەولێر و بەغدا هەیە و رایگەیاند، لە میانەی سەردانەکەیدا بۆ هەولێر، مەسرور بارزانی و محەممەد شیاع سوودانی لە کەشێکی ئەرێنی رێککەوتوون لەسەر بەردەوامی کاری بەیەکەوەیی و چارەسەرکردنی کێشەکان لەسەر بنەمای دەستوور و کارنامەی پەسەندکراوی کابینەکەی سوودانی.