تیمێكی كوردستان24 له‌چه‌ند وۆرك شۆپێكی كه‌ناڵی ئه‌لجه‌زیره‌دا به‌شدارن
K24 - هەولێر:
له‌ده‌وحه، تیمێكی ته‌كنیكی دامه‌زراوه‌یی كوردستان24 به‌شداری چه‌ند وۆرك شۆپێك ده‌كات.
له‌نێو كه‌ناڵی ئه‌لجه‌زیره‌ی قه‌ته‌ری، تیمێكی پێكهاتوو له به‌شی ته‌كنیك، ئیداره و به‌رنامه‌كانی كوردستان24، به‌شداری له چه‌ند وۆرك شۆپێك ده‌كه‌ن.
ئه‌مڕۆ (دووشه‌ممه 8ـی ئایاری 2023)، ئه‌م تیمه‌ی كه‌ناڵی كوردستان24 به‌شداری له وۆرك شۆپێكی تایبه‌ت ده‌كات، كه له‌لایه‌ن په‌یمانگه‌ی ئه‌لجه‌زیره بۆ راهێنان رێكخراوه و بۆ ماوه‌ی چوار رۆژ به‌رده‌وام ده‌بێت.
وۆرك شۆپه‌كه تایبه‌ته به میكانیزمی كاری گرافیك، كۆنترۆڵی كوالێتی و كاری ته‌كنیكی و چه‌ند بابه‌تێكی دیكه.
شایه‌نی گوتنه به‌شداریكردنی تیمێكی كوردستان24 له‌م وۆرك شۆپه، به‌شێكه له كاری هاوبه‌شی نێوان هه‌ردوو دامه‌زراوه‌یی كوردستان24 و كه‌ناڵی ئه‌لجه‌زیره‌ی قه‌ته‌ری.