کەشناسی: شەپۆلێکى بارانبارین و هەورەبرووسکە سەرجەم ناوچەکانى هەرێمی کوردستان دەگرێتەوە

K24 - هەولێر

کەشناسی  رایدەگەیەنێت، سبەی بەیانی رۆژی شەممە شەپۆلێکى بارانبارین و هەورە برووسکی سەرجەم ناوچەکانى هەرێمی کوردستان دەگرێتەوە.

ئەمڕۆ هەینی 19ـی ئایاری 2023، بەڕێوەبەرایەتی کەشناسی و بوومەلەرزەزانی هەرێمی کوردستان لە راگەیەندراوێکدا ئاماژەی بەوەکردووە، "بەهۆی ناسەقامگیرى کەش و هەوا"، سبەی بەیانی شەممە "شەپۆلێکى بارانبارین و هەورەبرووسکە سەرجەم ناوچەکانى هەرێمی کوردستان دەگرێتەوە". 

بەگوێرەی راگەیەندراوەکەی کەشناسی هەرێمی کوردستان، سبەی شەممە "لە هەندێک ناوچە بارانى بەلێزمە دەبارێت و پلەکانى گەرما بە (5-8) پلە دادەبەزێت و خێرایی با (10-25) کیلۆمەتر لە کاتژمێرێکدا دەبێت."

کەشناسی روونیشیکردووەتەوە، "ئەگەر هەیە هەورەبرووسکە لە هەولێر و سلێمانى و هەندێک ناوچەى گەرمیان بەهێزتربن لە ناوچەکانى دیکە."

کەشناسی بارانى 12 کاتژمێری ڕابردووى هەندێک لە ناوچەکانى هەرێمی کوردستانی بڵاوکردووەتەوە، لەوانە:

دهۆک 1.2 میلیمەتر

زاخۆ 10.2 میلیمەتر

ئامێدى 2.0 میلیمەتر

بامەرنێ 2.6 میلیمەتر

حاجى ئۆمەران 1.8 میلیمەتر

کانى ماسى 3.4 میلیمەتر

مانگیش 3.2 میلیمەتر