بەنداوی گۆمەسپان وەک سێیەمین گەورەترین بەنداو لە کوردستان تەواودەکرێت

K24 - هەولێر:

بەنداوی گۆمەسپان وەک سێیەمین گەورەترین بەنداو لە کوردستان تەوادەکرێت و کارەکانی %50  جێبەجێکراوە، دوای تواوبوونیشی دەبێتە گەورەترین بەنداو لەسنووری پارێزگای هەولێر، هەروەها دوای بەنداوی دوکان و دەربەندیخان سێەیمین گەورەترین بەنداوە.

ئەمڕۆ(22ــی ئایاری 2023)، عەبدوڵڵا حەمەد گەردی، بەڕێوەبەری کۆمپانیای جێبەجێکاری پرۆژەکە، بە فەرمانگەی میدیا و زانیاری حکومەتی هەرێمی کوردستانی راگەیاند، %50  کارەکانی پرۆژەکە تەواوبووە و کارکردنیش تێیدا بەردەوامدەبێت و تێچووی دروستکردنی بەنداوەکەش بە 95 ملیار دینار دەخەملێندرێت.

هەروەها راشیگەیاند، بەنداوی گۆمەسپان دەتوانێت 115 ملیۆن مەتر سێجا باران کۆبکاتەوە، هەروەها یەکەمجاریشە لەسەر ئاستی هەرێمی کوردستان و عێراق کۆنکریتی جۆری ئاراسیسی لە پرۆژەی دروستکردنی بەنداودا بەکاردەهێنرێت.