بزووتنەوەی 'حەز کورد' لە باکووری کوردستان رێزلێنان دەبەخشێتە دامەزراوەی کوردستان24

K24 - هەولێر

بزووتنەوەی زمانی کوردی (حەز کورد) لە بەرامبەر ئەو خزمەتەی بە زمانی کوردی کردووە، رێزلێنانی بەخشییە دامەزراوەی کوردستان24.

محەممەد سەعید، نوێنەری بزووتنەوەی زمانی کوردی (حەز کورد) لە پارێزگای دیاربەکری باکووری کوردستان سەردانی نووسینگەی کوردستان24ـی لەو شارە کرد و خەڵاتی رێزلێنانی بەخشییە دامەزراوەی کوردستان24 لە بەرامبەر خزمەتکردن و کارکردن بۆ پاراستنی زمانی کوردی لە باکووری کوردستان.

بزووتنەوەی زمانی کوردی (حەز کورد) بزووتنەوەیەکی باکووری کوردستانە، لە ساڵی 2020 دامەزراوە و کار لەسەر پارستی زمانی کوردی و برەودان بە کولتووری خوێندنەوە دەدات.