سەگە بێ لانەکانی شێڵتەری سلێمانی زۆرینەیان تووشی نەخۆشی پێست بوون
K24 - سلێمانی:
بە گوێرەی چەند وێنە و گرتە ڤیدیۆیەک کە بۆ کوردستان24 نێردراوە، سەگە بێ لانەکانی شێڵتەری سلێمانی لەسەر رێگای عەربەت زۆرینەیان تووشی گەڕی هاتوون، کە نەخۆشییەکی پێستە.
چالاکوان و رێکخراوەکانی مافی ئاژەڵان لە سلێمانی بە کوردستان24ـیان راگەیاند، سەگەکانی ئەو شێڵتەرە لە دۆخێکی زۆر خراپدان، نان و ئاوی پێویستیان پێنادرێت و لە کەشێکی گەرمدا بەجێهێڵدراون.
ئەو چالاکوانانە دەڵێن: ئێمە لەگەڵ ئەوە نین سەگەکان کۆنەکرێنەوە، بەڵکو دەڵێین با کۆبکرێنەوە و نەزۆک بکرێن، دواتر تێكەڵ بە ژینگە بکرێنەوە.
ئاماژەیان بەوەشدا، سەگە بێ لانەکان لەکاتی کۆکردنەوەیاندا لەبری ئەوەی بە دەرمانی بیهۆشکەر کۆنترۆڵ بکرێن، ئەشکەنجە دەدرێن و بە زەبری هێز دەخرێنە ئۆتۆمبێلی تایبەت بە کۆکردنەوەی سەگەکان.
سەبارەت بە ژمارەی سەگە بێ لانەکان لە هەرێمی کوردستان، ئەمڕۆ چوارشەممە 7ـی حوزەیرانی 2023، سلێمان تەمەر، پزیشکی ڤێرتەرنەری و بەرپرسی رێکخراوی کوردستان بۆ پاراستنی ئاژەڵانی کێوی لە دهۆک بە کوردستان24ـی راگەیاند، سەرووی 60 هەزار سەگی بێلانە لە هەرێمی کوردستان هەن و باشترین چارەسەر بۆ کێشەی زۆربوونیان، دروستکردنی شێڵتەر و دواتر خەساندنیانە. دەشڵێت، "سەگە بێلانەکان ئەو کاتە پەلاماری خەڵک دەدەن، کاتێک هەست بە ترس دەکەن".
سەگە بێ لانەکانی شێڵتەری سلێمانی لەسەر رێگای عەربەت، زۆرینەیان تووشی نەخۆشی پێست بوون
— Kurdistan24 (@kurdistan24tv) June 7, 2023
رێخراوەکانی مافی ئاژەڵان لە سلێمانی بە کوردستان24ـیان راگەیاند، سەگەکانی ئەو شێڵتەرە لە دۆخێکی زۆر خراپدان، نان و ئاوی پێویستیان پێنادرێت، دەشڵێن: ئێمە لەگەڵ ئەوە نین سەگەکان هەروا بەرەڵا بکرێن،… pic.twitter.com/cIINsPvE2b