لە تورکیا تەقینەوەیەک روویدا و بەهۆیەوە پێنج کەس گیانیان لەدەستدا
K24 - هەولێر
لە شاری ئەنقەرە تەقینەوەیەک لە کارگەیەکی مووشەک و تەقەمەنی روویدا و بەهۆیەوە پێنج هاووڵاتی گیانیان لەدەستدا.
ئەمڕۆ شەممە 10ـی حوزەیرانی 2023، وەزارەتی بەرگری تورکیا لە راگەیەندراوێکدا ئاماژەی بەوە کردووە، بەیانی ئەمڕۆ لە ناوچەی ئەلەماداخی شاری ئەنقەرە تەقینەوەیەک لە کارگەیەکی دروستکردنی چەک و مووشەک روویدا.
بەگوێرەی راگەیەندراوێکی وەزارەتی بەرگری تورکیا، بەهۆی تەقینەکەوە پێنج کەس گیانیان لەدەستداوە و ژمارەیەک کەسی دیکەش بریندارن.
لە راگەیەندراوەکەی وەزارەتی بەرگری تورکیادا ئاماژە بە هۆکاری تەقینەوەکە نەکراوە.
هاوکات ڤاسیپ شاهین، پارێزگاری ئەنقەرە لە کۆنگرەیەکی رۆژنامەوانیدا روونیکردەوە، لێکۆڵینەوەکان لەبارەی رووداوەکە دەستیپێکردووە.
