ئیخلاس دلێمی: بهشێك له فراكسیۆنه شیعهكان هاوكارمانن
K24 – هەولێر:
جێگری سهرۆكی لیژنهی دارایی له پهرلهمانی عێراق، رایدهگهیهنێت، ناكۆكی لهبارهی بڕگهی حهوتی ماددهی 14ـی پڕۆژه یاسای بودجهی عێراق، له نێوان بهغدا و ههولێر ههبوو و ئهمڕۆ دهگوترێ رێككهوتنی لهبارهوه كراوه. دهشڵێت: "بهشێك له فراكسیۆنه شیعهكان هاوكارمانن".
ئیخلاس دلێمی ئهندامی پهرلهمانی عێراق له فراكسیۆنی پارتی و جێگری سهرۆكی لیژنهی دارایی، به كوردستان24ـی راگهیاند، ئهمڕۆ دهگوترێ رێككهوتنێك لهبارهی ماددهی 14 ههیه، بۆیه ناچینه ناو دانیشتنهكان تا لهبارهی ئهو ماددهیهوه دڵنیا نهبینهوه.
دلێمی ههروهها گوتی: "تا ئهو كاتهی شایسته داراییهكانی ههرێمی كوردستان مسۆگهر دهكهین، له هۆڵی پهرلهمان دهرناچین و دانوستانهكانیش بهردهوام دهبن".
ئاماژهی بهوهشكرد، "بهشێك له فراكسیۆنه شیعهكان هاوكارمانن".
باسی لهوهشكرد، یهكێتی داوایكردووه ئهگهر حكومهتی ههرێم پابهندی نهنواند، یاخوود پارێزگایهك ناڕازی بوو، راستهوخۆ مامهڵه لهگهڵ بهغدا بكات، ئهمه دژی دهستووری عێراقه.
پەرلەمانی عێراق لە پرۆسەی دەنگدان لەسەر پرۆژەیاسای بودجەی گشتی بۆ ساڵەکانی (2023، 2024 و 2025) بەردەوامە و تا ئێستا لە هەردوو دانیشتنی هەردوو رۆژی هەینی و شەممە، 18 ماددەی پەسەندکردووە و دوو ماددەشی لاداوە.
درەنگانی شەوی (8ـی حوزەیرانی 2023) پەرلەمانی عێراق بە ئامادەبوونی 258 پەرلەمانتار لە کۆی 329 پەرلەمانتار دەستی بە دانیشتنی تایبەت بە دەنگدان بە پرۆژەیاسای بودجەی گشتی کرد کە پێشتر دوو خوێندنەوەی بۆ کرابوو،دوای ئەوەی لە رۆژی (13ـی ئادار/مارسی 2023) لەلایەن ئەنجوومەنی وهزیرانی عێراقەوە پەسەندکرا و رەوانەی پەرلەمانی عێراقی کرد.