رۆبۆتێک لە ئاهەنگێکی مۆسیقادا گۆرانی دەڵێت

K24 - هەولێر

لە پاریس، رۆبۆتێک چاوەکانی دەجوڵێنێت و گۆرانی دەڵێت، ئەمە نموونەیەک نییە لە ئۆپێرای ئایندەیی، بەڵکو جۆرێکە لە ئاوازدانان کە چات جی پی تی دەیگۆڕێت بۆ سیناریۆ نووسێک، کە رۆبۆتێکی زیرەک گۆرانی دەڵێت.

رۆبۆتەکە بە ناوی "ئەڵتیر4" لەگەڵ تیمێکی نزیکەی چل مۆسیقاژەن لە ئۆرکێسترای "ئەباسیۆناتۆ"ی فەرەنسی و گۆرانیبێژێکی بودی لە چیای کویای ژاپۆنی هاتووە، لە کاتێکدا ئاوازدانەر کیچیرۆ شیبویا کە ئاوێنەی ئۆپێرای ئەندرۆیدی دروستکردووە و تا ڕۆژی هەینی لە شانۆی شاتلێت بەردەوام دەبێت، پیانۆ دەژەنێت.

تێکەڵەیەکی سەیر لە دەنگی دەستکرد و سروودەکان کە لەلایەن رەبەنەکانەوە بە جلوبەرگی نەریتی وەک تۆنەکانی ڤایۆلین و مۆسیقای ئەلیکترۆنی ئەنجام دەدرێن لە کاتی نمایشەکەدا دەبیسترێت.

مۆنک ئیزن فوجیوارە بە ئاژانسی فرانس پرێسی گوت: "دەبینم ڕۆبۆتەکە بەشێکە لە تیمەکە و ئێمە پێکەوە کار دەکەین".

ئاماژەی بەوەشکرد، "ئەوە راستە کە گۆرانییەکانی ئێمە بۆ ماوەی 1200 ساڵە نەگۆڕاون، ئەو پێیوایە کە شتە جیاوازەکان ناتوانن گونجاو بن، بەڵام کاتێک پێکەوە کار دەکەین، ئێمە لە هاوسەنگییەکی تەواوداین".

ئەم رۆبۆتە لەلایەن پسپۆڕی رۆبۆتساز، هیرۆشی ئیشیگۆرۆوە دروستکراوە، هەروەها ئەو پلاتفۆرمەی لە خوارەوەی جەستەی رۆبۆتەکە لەلایەن ئەندازیاری بەناوبانگی کازویۆ سێجیما دیزاین کراوە، ئەڵتیر4، 53 جومگەی هەیە، دە جومگەی زیاتر لە مۆدێلی پێشوو، کە رێگەی پێدەدات بە شێوەیەکی داینامیکیتر دەریببڕێت.

گرنگترین شت ئەوەیە کە ئەم رۆبۆتە دەتوانێت ئەو شیعرانە دروست بکات کە لە نمایشەکەدا گۆرانی دەڵێت، هاوکات لەگەڵ ئەوەی کە راهیبەکان پێشکەشی دەکەن.

ئاوازدانەر پشتی بە چات جی پی تی بەستووە بۆ نووسینی سێ چارەکی نمایشەکە، وردەکارییەکانی کۆنسێرتەکە و ئەو شیعرانەی کە لەلایەن راهیبەکانەوە پێشکەش کراون بۆ بەرنامەکە روون کردەوە و وەڵامەکە زۆر خێرا بوو.

لە پشت دیمەنەکانەوە، رۆبۆتەکە لەلایەن مامۆستای مۆسیقا ژەن "شینتاری ئیمایەوە" کارپێدەکرێت، کە ئاوازی مۆسیقای خوێندووە لە ئێرکام، سەنتەرێکی توێژینەوە بۆ تەکنیکی مۆسیقای مۆدێرن و دەنگ لە پاریس هەیە.