خەڵک چۆن لە شاری مەککە ژیانی رۆژانەی خۆیان بەسەردەبەن؟
K24 - هەولێر
زۆرینەی موسڵمانانی جیهان ئاواتیانە بۆ جێبەجێکردنی یەکێک لە پێنج ئەرکە ئایینیەکان بچنە مەککە، بەڵام بەشێک لە خەڵکی سعوودیە هەموو ژیانی خۆیان لەو شارەدا بەسەربردووە و چەندین یادگاری منداڵیان لەوێ هەیە.
زەینەب عەبدە، تەمەنی 29 ساڵییە و وەک دەرمانساز لە مەککە گەورە بووە، بیرەوەرییەکانی منداڵی خۆی لەگەڵ هاوڕێکانی لە نزیک مزگەوتی گەورە کە کەعبەی تێدایە، بۆ ئاژانسی فرانس پرێس باس دەکات و دەڵێ: حەڕەم ماڵی منداڵیمە، بەڵام خەڵک ناتوانن بیر لەوە بکەنەوە کە ژیان بۆ ئێمە چۆنە، ئێمە ئەو کارانە دەکەین کە هەمووان دەیکەن.
نزیکەی دوو ملیۆن کەس لە شاری مەککە دەژین، کار دەکەن و چالاکی رۆژانە ئەنجام دەدەن وەک کڕین و ئەرکی ماڵەوە و فڕێدانی زبڵ پارەدانی.
دوور لە ناوچە ئایینی و مێژووییەکان، گەڕەکە مۆدێرنەکانی شارەکە، لەنێوان شەقامەکان مۆڵی بازاڕکردن و هۆڵەکانی وەرزش و قوتابخانە و زانکۆکانی تێدایە.
مەککە بە زنجیرە چێشتخانە بەناوبانگەکان ناسراوە، بەتایبەتی چێشتخانەکانی خواردنی خێرا لە ویلایەتە یەکگرتووەکانی ئەمەریکا، وەک پۆپایێس، سێفۆرا و چەندانی تر، بازاڕەکان بە بەراورد بە بازاڕەکانی جەددە و دەوحه کەمترن.
هەرچەندە حکومەتی سعوودیە لە ساڵی 2018 قەدەغەی سینەماکانی هەڵوەشاندەوە، بەڵام شارەکە هیچ هۆڵێکی نمایشکردنی نییە، دانیشتوانەکەی دەچنە کەناراوەکان شاری جەددە، بۆ سەیرکردنی فیلم کە نزیکەی 70 کیلۆمەتر دوورە.
عەبدە دەڵێت. "ئەمە شارێکی پیرۆزە و پێویستە رێزی لێ بگیرێت"، مۆسیقا لە رۆژی لەدایکبوون و ئاهەنگەکانی دیکەدا دەبیسترێت، بەڵام بە دەنگێکی کەم.