بەرزترین پلەی گەرمی لەم دوو رۆژە دەبێ
K24 - ھەولێر
بە گوێرەی پێشبینیەكانی بەڕێوەبەرایەتی كەشناسی ھەرێمی كوردستان لە دوو رۆژی ئەم ھەفتەیە بەرزترین پلەی گەرمی تۆمار دەكرێن.
فازڵ ئیبراھیم بەڕێوەبەری كەشناسی و بومەلەرزەزانی ھەرێمی كوردستان بە ماڵپەڕی كوردستان24 راگەیاند: "بە گوێرەی پێشبینیەكانمان لە ئەمڕۆوە پلەكانی گەرمی لە ھەرێمی كوردستان چڕدەبێنەوە و ئەمڕۆ و سبەی گەرمترین پلەی گەرمی لە ھەرێمی كوردستان تۆمار دەكرێن".
گوتیشی: "پێشبینی دەكرێت لە رۆژی ھەینیەوە پلەكانی گەرمی روو لە دابەزین بكەن و رۆژی شەممە پلەكانی گەرما زیاتر دادەبەزێت كۆتایی بەو شەپۆلە گەرمە دێت كە لە ھەفتەی رابردووەوە رووی كردوەتە ھەرێمی كوردستان".