به‌بۆنه‌ی كۆچی دوایی هاوژینی، نێچیرڤان بارزانی سه‌ره‌خۆشی له دادوه‌ر عه‌بدولجه‌بار عه‌زيز ده‌كات
K24 - هەولێر:
به‌بۆنه‌ی كۆچی دوایی هاوژینی، سه‌رۆكی هه‌رێمی كوردستان پرسه‌نامه‌یه‌ك ئاراسته‌ی سه‌رۆكى ئه‌نجوومه‌نى دادوه‌ريى هه‌رێمى كوردستان ده‌كات.
نێچیرڤان بارزانی سه‌رۆكی هه‌رێمی كوردستان پرسه‌نامه‌یه‌ك ئاراسته‌ی دادوه‌ر عه‌بدولجه‌بار عه‌زيز حه‌سه‌ن، سه‌رۆكى ئه‌نجوومه‌نى دادوه‌ريى هه‌رێمى كوردستان ده‌كات، له به‌شێكی پرسه‌نامه‌كه‌دا هاتووه: "له خواى مه‌زن داواكارم گيانى خوالێخۆشبوو به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت".
بە گوێرەی راگەیەندراوێکی ئەنجوومەنی دادوەریی هەرێمی کوردستان، ئەمڕۆ 30/6/2023 خاتوو (تاڤگە عەبدولوەهاب ئەسعەد) خێزانی دادوەر عەبدولجەبار عەزیز حەسەن، سەرۆکی ئەنجوومەنی دادوەریی هەرێمی کوردستان لە ئوردن کۆچی دوایی کرد.
ئاماژە بەوەشدراوە، تاڤگە عەبدولوەهاب دوای ململانێیەکی درێژخایەن لەگەڵ نەخۆشیی، ئەمڕۆ لە عەممانی پایتەختی ئوردن کۆچی دوایی کرد.
ده‌قی پرسه‌نامه‌كه:
پرسه و سه‌ره‌خۆشيى قووڵم ئاراسته‌ى به‌ڕێز دادوه‌ر عه‌بدولجه‌بار عه‌زيز حه‌سه‌ن، سه‌رۆكى ئه‌نجومه‌نى دادوه‌ريى هه‌رێمى كوردستان و خانه‌واده و كه‌سوكارى به‌ڕێزيان ده‌كه‌م بۆ كۆچى دواييى خوالێخۆشبوو خاتوو تاڤگه عه‌بدولوه‌هاب ئه‌سعەد ـ ى هاوسه‌ريان.
هاوسۆز و هاوخه‌ميانم، له خواى مه‌زن داواكارم گيانى خوالێخۆشبوو به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
نێچيرڤان بارزانى
سه‌رۆكى هه‌رێمى كوردستان
2023/6/30