شه‌پۆلێكی گه‌رما و خۆڵبارین عێراق و هه‌رێمی كوردستان ده‌گرێته‌وه
K24 - هەولێر
شه‌پۆلێكی گه‌رما و خۆڵبارین عێراق و هه‌رێمی كوردستان ده‌گرێته‌وه و له‌ناوه‌ڕاستی هه‌فته‌ی داهاتووش پله‌كانی گه‌رما چه‌ند پله‌یه‌ك داده‌به‌زێت.
ده‌سته كه‌شناسی عێراق رایده‌گه‌یه‌نێت، شه‌پۆلێكی خۆڵبارین و به‌رزبوونه‌وه‌ی پله‌كانی گه‌رما روو له‌عێراق ده‌كات و، ئه‌مڕۆ و سبه‌ی پله‌كانی گه‌رما له پارێزگانی عێراق به‌رزده‌بێته‌وه و به‌رزترین پله‌ش له پارێزگای به‌سڕه تۆمار ده‌كرێت كه 50 پله‌ی سیلیزی ده‌بێت.
هاوكات به‌پێی پێشبینییه‌كانی كه‌شناسی سەر بە وەزارەتی گواستنەوە و گەیاندنی حکومەتی هەرێمی کوردستان، ئه‌مڕۆ و سبه‌ی گه‌رمترین رۆژی هاوینی هه‌رێمی كوردستان ده‌بێت كه له هه‌ندێك ناوچه‌دا پله‌كانی گه‌رما بۆ 50 پله‌ی سیلیزی به‌رز ده‌بێته‌وه، كه به‌رزترینیش له كه‌ركووك و ده‌ڤه‌ری گه‌رمیان ده‌بێت كه پێشبینی ده‌كرێت له‌نێوان 50 بۆ 51 پله‌ی سیلیزی دابێت.
بەرزترین پلەکانی گەرمای پێشبینیکراو بە پلەی سیلیزی:
هەولێر: 40 پلەى سیلیزى
سلێمانی: 39 پلەى سیلیزى
دهۆک: 39 پلەى سیلیزى
کەرکووک: 42 پلەى سیلیزى
هەڵەبجە : 40 پلەى سیلیزى
حاجی ئۆمەران: 26 پلەى سیلیزى
زاخۆ: 40 پلەى سیلیزى
سۆران: 38 پلەى سیلیزى
گەرمیان: 45 پلەى سیلیزى