برایەکی راکان جبووری بە تۆمەتی گەندەڵی دەستگیرکرا
K24 - کەرکووک:
سەرچاوەیەکی تایبەت بە کوردستان24 راگەیاند، ئەمڕۆ هێزێکی تایبەتی دەزگای ئاسایشی نیشتمانی عێراق لەشاری کەرکووک، برایەکی راکان جبووری، پارێزگاری بە وەکالەتی کەرکووکیان بە ناوی " فەرحان جبووری" دەستگیرکردووە و رادەستی دەستەی دەستپاکی کراوە.
ئەو سەرچاوەیە ئاماژەی بەوەشکرد، هۆکاری دەستگیرکردنەکەی بۆ ئەوە دەگەڕێتەوە کە ژمارەیەکی زۆری دۆسییەی گەندەڵی لەسەرە کە تایبەتە بە پڕۆژەکانی کەرکووک و لەلایەن دادگاوە داواکراوبووە.
فەرحان جبووری، فەرمانبەری کارەبای کەرکووکە و ماوەی چەند ساڵێکە بە تەنسیب لە دیوانی پارێزگای کەرکووک دەوام دەکات.