پەیامی سه‌رۆكوه‌زیران مه‌سرور بارزانی بەبۆنەی سەری ساڵی نوێی کۆچی
K24 – هەولێر:
به‌بۆنه‌ی هاتنه‌وه سه‌ری ساڵی نوێی كۆچی، سه‌رۆكوه‌زیران مه‌سرور بارزانی په‌یامێكی پیرۆزبایی بڵاوكرده‌وه، تێیدا هاتووه: لەم یادە پیرۆزەدا، جەخت لە برەودان بە پرەنسیپە راستەقینەکانی ئایینی پیرۆزی ئیسلام و کولتووری بەیەکەوەژیانی ئاشتیانە و یەکترقبوڵکردن و هزری میانڕەوی ئایینی دەکەینەوە.
ده‌قی په‌یامه‌كه‌ی سه‌رۆكوه‌زیران مه‌سرور بارزانی:
به بۆنه‌ی هاتنی سه‌ری ساڵی نوێی كۆچی 1445، گەرمترین پیرۆزبایی ئاراستەی موسڵمانانی كوردستان و جیهان ده‌كه‌م.
لە خوای میهرەبان داواکارم ساڵی نوێی کۆچی، ساڵی خۆشگوزەرانی و پێشکەوتنی زیاتری کوردستان و ئاشتی و ئارامی بێت لە جیهاندا.
لەم یادە پیرۆزەدا، جەخت لە برەودان بە پرەنسیپە راستەقینەکانی ئایینی پیرۆزی ئیسلام و کولتووری بەیەکەوەژیانی ئاشتیانە و یەکترقبوڵکردن و هزری میانڕەوی ئایینی دەکەینەوە.
مەسرور بارزانی
سەرۆکی حکومەتی هەرێمی کوردستان
18 تەمووز 2023