کەشناسی باری کەشوهەوای دوو رۆژی راگەیاند
K24 – هەولێر
بەگوێرەی پێشبینییەکان ئەمڕۆ پلەی گەرما بەراورد بە رۆژانی رابردوو کەمێک بەرز دەبێتەوە.
بەشی پێشبینی لە بەڕێوەبەرایەتی کەشناسی و بومەلەرزەزانی هەرێمی کوردستان، پێشبینییەکانی کەشوهەوای بۆ 48 کاتژمێری داهاتوو بڵاو کردەوە و رایگەیاند، ئەمڕۆ چوار شەممە 2/8/2023، ئاسمان ساماڵ دەبێت، لەگەڵ بەرزبوونەوەی تۆزو خۆڵ و زیاد بوونی خێرایی با لە کاتەکانی ئێوارە لە ناوچەکانی باشووری هەرێم، پلەى گەرما کەمێک بەرز دەبێتەوە بەراورد بە تۆمارکراوەکانى دوێنێ .
لەبارەی کەشوهەوای سبەی کەشناسی پێشبینی کردووە، سبەی پێنجشەممە ئاسمان ساماڵ دەبێت، پلەی گەرما کەمێک نزم دەبێتەوە لە تۆمارکراوەکانى ئەمڕۆ بە (1-2) پلە .
بەرزترین پلەکانی گەرمای پێشبینیکراو بە پلەی سیلیزی:
هەولێر : 42 پلەى سیلیزى
سلێمانی: 40 پلەى سیلیزى
دهۆک: 41 پلەى سیلیزى
کەرکووک: 44 پلەى سیلیزى
هەڵەبجە: 43 پلەى سیلیزى
حاجی ئۆمەران: 31 پلەى سیلیزى
زاخۆ : 42 پلەى سیلیزى
سۆران : 40 پلەى سیلیزى
گەرمیان : 47 پلەى سیلیزى